LONDRES (AFP).-Korte Superior di Londres a kondená e presidente norteamerikano Donald Trump pa paga mas ku 625.000 pound sterling (US$ 800.000) di kostonan hudisial despues ku a rechasá su demanda kontra di un eks-spion britániko.
Un informe di esaki riba un supuesto relashon di Trump ku Rusia a provoká un tormenta polítiko den 2017.
E presidente norteamerikano a hiba e kaso dilanti di hustisia britániko den 2022 bou dje lei di protekshon di datonan relashoná ku e dokumento aki, ku tabatin informashon no verifiká. Entre otro a menshoná eksistensia di un vidio di kontenido seksual.
Trump a solisitá indemnisashon pa daño moral, i a focus spesialmente riba dos nota dje informe ku a deskribí supuesto orgianan den kua el a tuma parti na St. Petersburg, komo tambe ku otro prostitutanan na Mòsku.
Aña pasá hustisia britániko a rechasá e demandanan, afirmando ku no tabatin “motibunan konvisente” pa un kaso.
E hues Karen Steyn a kalkulá ku Trump no tabata den kondishon pa “formulá un demanda ku lo tabatin un berdadero chèns di éksito i a skohe pa laga hopi aña pasa”.
Ademas, el a konsiderá ku e presidente e tempu ei a laga hopi aña pasa p’awor “defendé su reputashon” mediante e akshon aki.
