WASHINGTON (AFP).- Trump a bisa di ta “hopi desepshoná” pa e resistensia di e presidente ruso, Vladimir Putin, pa alkansá un akuerdo di pas riba Ukrania despues dje kumbre na Alaska. “Mi por bisa esei, mi ta hopi desepshoná di presidente Putin”, segun Trump a bisa den e programa di radio di Scott Jennings ora ku a puntr’é si e ta sinti su mes traishoná pa e reakshon di Putin.
“Nos tabatin un gran relashon, pero mi ta desepshoná”. Trump, sinembargo, no a bisa kua ta e posibel konsekuensianan ku Rusia lo enfrentá, apesar ku resientemente el a pone un término di tempu di dos siman pa logra un akuerdo di pas ku ta vense na kabamentu dje siman aki.
E lider norteamerikano a agregá di no ta preokupá riba un posibel relashon entre Rusia i China, apesar ku Putin a reuní djamars último na Beijing ku e presidente chines Xi Jinping, dilanti di un gran desfile militar.
“Mi no ta niun tiki preokupá”, Trump a bisa. “Nos tin, ku gran diferensia, e armanan mas fuerte di mundu i nan hamas lo usa arma kontra di nos; kere mi, ta e kos di mas malu ku nan lo por hasi”, segun Trump a duna di konosé.
