WASHINGTON, USA (AFP).- E presidente di Merka, Donald Trump, a deklará den un entrevista na televishon ku e no sa si e mester respetá Konstitushon, e dokumento di konstitushon dje pais.
“Mi no sa”, Trump a kontestá ora ku e presentadó di “Meet the Press”, Kristen Welker, di e kadena NBC News, a puntr’é di forma direkto si e ta kere ku e mester respetá e diktado di “Carta Magna”, segun partinan dje entrevista emití ayera.
Puntrá spesífikamente si siudadanonan norteamerikano i esnan no siudadano ta meresé e mesun trato den un proseso legal, manera Konstitushon ta bisa, Trump a kontesta, sakando su kurpa: “Mi no ta abogado, mi no sa”.
