WASHINGTON (AFP).- Presidente di Merka, Donald Trump, ayera no a pone masha importansia na e oumento di preis di petroli relashoná ku e guera ku ta tumando lugá. “Ta un preis chikitu ku mester paga pa a eliminá e menasa dje programa nuklear di Iran”, segun e mandatario norteamerikano.
“E oumento riba término kòrtiku den preis di petrolio, ku lo kai lihé ora ku kaba ku e destrukshon dje menasa nuklear di Iran, ta djis un preis ku mester paga pa seguridat i pas di Merka i di mundu. “Solamente hende kèns lo pensa kontrario”, segun el a skirbi riba su plataforma Truth Social.
Preis di barí di petrolio WTI, referensia norteamerikano di merkado, ayera a superá 100 dollar, un preis ku no a mira for di yüli di 2022, komo konsekuensia dje guera den Medio Oriente.
