EMMANUAL MACRON; Presidente di Fransia.
PARIS (AFP).- Presidente di Fransia, Emmanuel Macron, ayera a duna di konosé ku e presidente norteamerikano Donald Trump, lo por gana Premio Nobel di Paz solamente “si e stòp” e guera entre israelínan i palestinonan den Gaza. “Mi ta mira un presidente norteamerikano ku ta mobilisá, kende a bisa den Nashonnan Uní di ke pas i ku el a resolvé shete konflikto i tin e deseo pa risibí premio Nobel di Paz. “E premio Nobel di Paz ta posibel solamente si bo resolvé e konflikto aki tambe”, segun Macron a deklará na e kadena BFMTV, dirigiendo su mes na Trump.
For di despues di su regreso den White House na yanüari, e magnate republikano no a skonde su ambishon di ke risibí un Nobel di Pas, un galardon ku un di su rivalnan demokrat grandi, e eks presidente Barack Obama, a gana poko despues di a asumí e funshon den 2009.
Macron a atvertí tambe ku lo e no keda ku “brasanan krusá” den kaso di represayanan israelí despues ku djaluna Fransia di forma ofisial a rekonosé Palestina komo estado, un gesto orientá pa alkansá pas entre israelínan i palestinonan ku, ounke históriko, ta sigui ta algu simbóliko.
