WASHINGTON, MERKA, AFP.- E presidente di Merka, Donald Trump, a anunsiá djamars ku lo no duna Hong Kong trato preferensial mas i ku ya a firma un lei di sanshon pa kastigá funshonarionan ku apliká e reglanan nobo di seguridat den eks kolonia britániko.
“Hong Kong lo haña e mesun trato ku China ta haña”, asina Trump a bisa den un rueda di prensa detayando ku e siudat lo pèrdè privilegionan manera tratamentu ekonómiko spesial i akseso na eksportashon di teknologia.
Beijing a aprobá un lei di seguridat pa reforsá sanshon kontra tur manifestante na Hong Kong, despues ku e siudat a registrá kasi un aña di manifestashon pro demokrasia kontra intervenshon di China. Ademas, e lei lo limitá e siudat su outonomia.
Segun aktivistanan, e lei nobo ta limitá e libertat pa protesta na Hong Kong.
