WASHINGTON, AP.- E gobièrnu di presidente Donald Trump lo transferí 3.800 mion dòler di fondo militar. E desishon a wòrdu aprobá resientemente pa Merka kubri e konstrukshon di un muraya na frontera entre México i Merka. Esaki a wòrdu kritiká pa e demókratanan i e miembronan di Partido Republikano ku ta boga pa temanan di defensa.
E medida di pentágono lo transferí plaka di e unidatnan di Guardia Nashonal, atkisishon di avion i di konstrukshon naval pa kuenta di e sektor naval ku ta kombatí droga pa finansiá konstrukshon di e muraya nobo.
E demókratanan a kritiká e transferensianan, pero no tabatin ningun konsekuensia pa Trump mirando ku el a logra e desishonnan aki aña pasá kaba.
E presupuesto pa aña 2021 di Trump, publiká djaluna, ta inkluí un petishon di 2.000 mion dòler pa e muraya, ménos di loke Trump a pidi aña pasá. Esaki ta nifiká ku Trump tin mas plaka pa e muraya ku loke e por gasta di forma inmediato.
