Presidente interino di Venezuela Delcy Rodriguez
WASHINGTON, MERKA, AFP.- Donald Trump a bisa ayera ku ainda Venezuela no ta kla pa elekshon. Pero te ainda a registrá hopi progreso den e pais.
Presidente Delcy Rodriguez a okupá e puesto di forma provishonal den yanüari. Esaki a pasa despues ku a kita Nicolas Maduro di su puesto komo presidente, i kende ta enkarselá na New York. E ta wardando pa su huisio kuminsá.
Oposishon ta eksihí pa aselerá ku e negosiashonnan pa organisá elekshon.
Segun Trump, Delcy ta hasiendo un bon trabou, pero ainda “Venezuela no ta prepará pa bai elekshon”.
Trump a aprobá pa kita sanshonnan kontra Venezuela, na momentu ku e gobièrnu nobo bai di akuerdo ku su kondishonnan.
Washington ta satisfecho ku e kolaborashon entre Merka i Venezuela, spesialmente den sektor di Petroli. Aktualmente e guera ku Iran a subi preis di krudo hopi haltu.
Trump ta usa Venezuela komo “ehèmpel” di loke por logra na Cuba. E ta menasá Cuba regularmente ku e mesun tipo di akshon militar ku el a usa na Venezuela.
