WASHINGTON, AP.- Presidente Donald Trump a bisa ku un barku di guera di Merka a destruí un drone iraní den Estrecho di Ormuz, miéntras tenshon ta krese entre ámbos pais.
Trump ta kalifiká e akshon di Iran aki komo “hostil” i a pidi otro paisnan pa kondena loke e ta konsiderá komo un intento mas di Iran pa alterá libertat di nabegashon i komersio global den e kanal di region di Golfo Pérsiko.
Trump a bisa ku e boto USS Boxer a tuma un akshon defensivo despues ku e drone a yega te ku 900 meter serka di e barku i ignorando vários atvertensia pa e retirá.
