MORRISTOWN, MERKA, AFP.- Presidente merikano Donald Trump a deklará djabièrnè ku Iran tin un máksimo di dos siman pa evitá posibel atakenan aéreo di Merka. El a sugirí ku e por tuma un desishon promé ku e dos simannan aki pasa.
Aparte di esaki, Trump a deskartá e posibilidat ku e diálogonan entre paisnan europeo i Iran pa resolvé e konflikto entre Israel i Tehran lo ta eksitoso. Esakinan a kuminsá ayera na Geneva.
Tambe el a minimisá e posibilidat pa pidi Israel pa para ku e atakenan, despues ku e minister di Eksterior di Iran, Abbas Araghchi a bisa ku Tehran lo no kontinuá ku e diálogonan nuklear te ora ku Israel para ku su atakenan.
Segun Trump, Europa no por kontribuí pa pone fin na e guera, señalando ku e kombersashonnan ku e kansier iraní “no a yuda”.
“Iran no ke papia ku Europa, Iran ke papia ku nos”, asina Trump a bisa na periodistanan ayera.
