WASHINGTON, USA (AFP).- E presidente di Merka, Donald Trump, awe lo imponé belasting di duana riba produktonan prosedente dje tres prinsipal sosionan komersial di Merka, ku ta Canada, México iChina, segun White House a duna di konosé.
E presidente republikano, ku a drenta White House dia 20 di yanüari último,na vários okashon a ripití e menasa kontra e paisnan ei akusando nan di no ta hasi sufisiente pa kombate e tráfiko di fentanilo i evitá emigrashon ilegal pa Merka.
E bosero di White House, Karoline Lea igtt, a konfirmá e desishon. “E presidente lo imponé 25% di belasting di importashon pa México, 25% pa Canada i 10” pa China pa e fentanilo ilegal ku nan ta produsí i ku ta keda distribuí den nos pais”, komo tambe migrantenan ku ta drenta Merka di forma ilegal, segun el a deklará.
Merka i Canada, teorétikamente protehá pa e akuerdo di komersio liber T-MEC, firmá durante e promé mandato dje republikano den remplaso di TLCAN ku tabata na vigor for di 1994, lo purba na evit’é.
E presidente di México, Claudia Sheinbaum, a bisa djabièrnè ku su gobièrnu tin un “mesa di diálogo” ku Merka i diferente plan preventivo.
“Nos tin plan A, plan B, plan C pa loke ku gobièrnu di Merka disidí”, el a bisa sin detayá nan.
Na opinion di Trump, e tres paisnan en kuestion no ta hasi sufisiente pa kombatí e tráfiko di fentanilo pa Merka.
Pa loke ta China, ta akusá e pais di ta permití e eksportashon di e komponentenan básiko pa e droga sintétiko, sigur ku México, kaminda ku e kartelnan di droga ta fabriká fentanilo ku nan ta manda Merka.
