WATFORD, INGLATERA, AP.- Presidente Donald Trump a destruí e unidat di NATO na momentu ku su hefenan a reuní riba e di 70 aniversario di e aliansa, konsiderando un mandatario komo “hipókrita” i un otro komo “repugnante” i realisá un reunion eksklusivamente ku miembronan ku ta gasta mas plaka riba defensa.
E pleitu di Trump ku e promé minister kanades Justin Trudeau i presidente franses Emmanuel Macron a pone lus riba e divishonnan den e aliansa relashoná ku gastu di e defensa i e relashon ku Turkia, inkluyendo aktitutnan eksentriko di e mandatario merikano den e esenario mundial.
E atakenan personal i divishon polítiko a sirbi di kontraparte ku e susesonan na Washington, kaminda e legisladornan demókrata a reanudá e proseso ku por kousa un huisio polítiko pa pidi Ukrania pa investigá un rival polítiko. E presidente a kanselá un konferensia di prensa abruptamente kual a wòrdu desaroyá na mes momentu ku e oudiensia na Washington.
Miéntras e lidernan di NATO a destaká e organisashon su unidat, Trump a organisá un ‘supgrupo’ di aliansa, pues esnan ku kumpli ku e meta di gastu defensa.
