WASHINGTON (AFP).- Ayera Presidente Donald Trump a eksiguí pa e kadena ABC duna retiro inmediato na e presentadó Jimmy Kimmel, outor, segun e presidente di un “yamada despresiabel na violensia” pa un chansa ku el a dirigí na e promé dama Melania Trump. “E kos akí realmente ta bai demasiado leu. Disney i ABC awor dirèkt mester duna retiro na Jimmy Kimmel”, segun e mandatario.
Kimmel den su komentarionan humorístiko a bisa ku e promé dama merikano ta radia “e aura di un futuro biuda”. Trump lo kumpli 80 aña den yüni benidero i ta e presidente di mayor edat den historia di Merka, miéntras ku su kasá, un èks-modelo nasé na Slovenia, tin 56 aña.
Djaluna, e propio Melania Trump a kibra ku su reserva mediátiko. El a kritiká e presentadó, akusando esaki riba X di ta sostené un “retórika di odio i violensia”.
