WASHINGTON, AP.- Presidente Donald Trump a hasi un bishita kòrtiku na e monumento Martin Luther King Jr., na Washington riba e dia kaminda a konmemorá e lider di derechi sivil.

Trump a wòrdu kompañá pa visepresidente Mike Pence riba un dia friu ku bientu fuerte. Ambos a pone e flor na pia di e monumento i a mantené un minüt di silensio despues di esaki.

E mandatario a bisa na prensa ku ta “un gran dia” i un “dia bunita”, pero no a rospondé preguntanan tokante e siere parsial di gobièrnu, kual a drenta den su di 31 dia.

E bishita a dura ménos di dos minüt.

E bishita na e monumento no tabata planiá riba su agènda públiko i reporteronan ku a biaha kuné no a wòrdu informá di Trump su destino te na momentu ku nan a yega.

Promé ku e bishita, Trump a tweet: “Awe nos ta selebrá doktor Martin Luther King pa defendé e bèrdat ku tur merikano ta apresiá: no ta importá ki koló di kueru nos tin òf nos lugá di nasementu, nos tur a wòrdu kreá igual pa Dios”.

LAGA UN KOMENTARIO

Please enter your comment!
Please enter your name here