DOONBEG, Irlanda (AFP).- Presidente di Merka, Donald Trump, ayera a atvertí e mandatario ukraniano, Volodimir Zelenski, pa e stòp di ataká refinerianan na Rusia pa motibu ku e ta provokando eskases.
“Tin djis un kos so ku Zelenski mester hasi, esei ta stòp ku e atake di diesel na Rusia. Lag’e ataká otro metanan, pero no e kombustibel diesel, pasobra e ta kousando un eskases di diesel”, Trump a deklará na periodistanan durante su bishita na Irlanda.
“No ta Medio Oriente ta provokando e eskases aki, e situashon aki ta keda kousá pa e loke ta pasando ku Rusia i Ukrania”, segun e presidente republikano a agregá.
Trump a hasi e deklarashonnan ei ayera durante un dia di enfoke riba gòlf i e promoshon di su interesnan empresarial, riba e di dos i último dia di su bishita na Irlanda, marká upa s apoyo polémiko di reunifikashon.
