DELCY RODRIGUEZ; presidente nobo di Venezuela.
WASHINGTON (AFP).- Presidente norteamerikano, Donald Trump, ayera a atvertí e lider nobo venezolano, Delcy Rodriguez, ku e mester kolaborá ku Merka si e no ke “paga un preis hopi haltu”, un dia despues ku a deroká e mandatario Nicolas Maduro. Forsa militar venezolano a rekonosé Rodriguez komo presidente, di akuerdo ku un veredikto di korte supremo, segun e minister di defensa, Vladimir Padrino.
Trump a bolbe ekspresá su mes hopi fuerte, despues ku djasabra el a anunsiá di ta dispuesto pa traha ku Rodriguez pa garantisá un transishon demokrátiko “sigur i huisioso” despues dje kaptura eksitoso di Maduro i su kasá djasabra mardugá. E presidente iskierdista, akusá di narkotráfiko i terorismo den Merka, ta den un prizòn di New York i ta spera ku awe media lo e keda presentá dilanti di un wes.
Si su susesor Rodriguez “no hasi e kosnan korekto, lo e paga un preis hopi haltu, probablemente mas pisá ku Maduro”, segun Trump den un entrevista ku e revista The Atlantic. Merka ta bisa ku for di distansia nan ke kontrolá e situashon venezolano difísil, sin ku awor akí tin ku forsa un kambio di régimen pero lagando tur opshon habrí. “Papia di elekshon na Venezuela ta hopi prematuro na e momento akí”, segun e sekretario di estado di Merka Marco Rubio, den un entrevista na televishon.
Washington ke habri bèk e eksplotashon petrolero di su empresanan na Venezuela, miéntras ku Rodriguez djis despues a atvertí ku su gobièrnu ta kla pa “defendé nos rekursonan natural”.
From a personal perspective, I wonder whether the threats and sanctions from the US will actually help Venezuela achieve long-term stability or only increase tensions, especially since UN studies have shown the That’s Not My Neighbor negative impact of sanctions on the lives of ordinary citizens.