WASHINGTON (AFP).- Presidente Donald Trump a dal un paso atras den su ofensiva komersial kontra di México, anunsiando di lo libra produktonan dje paisnan ei di belasting adishonal. Ta trata di produktonan inkluí den e Tratado di Komersio Liber di Nort Amérika (T-MEC) i ta posponé e kobro adishonal te 2 di aprel.
E desishon ta bini despues ku e tarifanan di duana a kousa hopi nèrvio den merkadonan, serka empresa- i konsumidónan. Merikanonan tampoko ta parse di ta konvensí, di akuerdo ku enkuestanan.
“México no mester paga nada adishonal riba e loke ta inkluí den e akuerdo T-MEC i esaki te ku 2 di aprel”, segun Trump a skibi riba Truth Social. Esaki ta representá e mayoria di produktonan mehikano idéntiko, loke ta nifiká ku ta imponé pa kada pais e mesun nivel di tarifanan di duana ku ta kobra riba produktonan merikano.
E magnate norteamerikano a bisa di a dal un stap patras pa”konsiderashon ku e presidente Sheinbaum”, ku kende el a papia na telefòn ayera.
”Nos relashon ta hopi bon i nos ta trahando huntu, na frontera, tantu pa loke ta trata strobamentu di migrantenan ilegal drenta Merka komo tambe pa para e asuntu di fentanilo (droga)”, segun el a bisa.
