“E trofeo di partisipashon den e guera di Iran” riba Foley Square na New York, ku trofeonan falsu di partisipashon, hasiendo bofon di presidente Donald Trump
TEHRAN, Iran, AFP.- Presidente merikano, Donald Trump, a primintí ku Merka lo reakshoná fuerte kontra Iran, despues ku esaki a ataká basenan merikano na Hordania djárason. E konflikto den Medio Oriente a bolbe sali for di man i atrobe ta inkluí aliadonan di Iran.
E atvertensia a tuma lugá despues di un pousa kòrtiku den e atakenan, kual a generá speransa pa kontinuá ku a negosiashonnan. Sinembargo, e violensia a reanudá i preis di petroli a subi pa posibel problemanan ku e suministro mundial.
Djárason, Saudi Arabia i Merka a anunsiá atakenan kontra basenan di gruponan arma na Irak. Na mes momentu, Israel a akusá e grupo libanes Hezbollah di violá e tregua. Hezbollah ta respaldá pa Iran.
Desde dos dia, Saudi Arabia, e eksportadó di petroli di mas grandi na mundu a denunsiá atakenan ku ‘drone’ kontra su sitionan di petroli. E pais ta konsiderá gruponan arma irakí aliado di Tehran komo responsabel.
Iran a lansa misilnan kontra Hordania, aliado di Merka. Mas despues, medionan estatal iraní a informá di un atake merikano serka di frontera entre Iran i Irak.
Trump a bisa na Fox News ku “nos lo reakshoná fuerte” kontra e atakenan.
