WASHINGTON, MERKA, AFP.-  E presidente merikano Donald Trump a proponé un idea inesperá, kual ta pa aplasá elekshon presidensial, pero e posibilidat pa esaki wòrdu aseptá ta tiki.
Trump, kende ta enfrentá e demókrata Joe Biden riba 3 di novèmber no tin outoridat konstitushonal pa kambia e fecha, kual ta wòrdu stipulá pa lei.
Trump ta argumentá ku e uso di votamentu via pòst komo medida pa protehá e pueblo di Corona vÃrus, lo kousa froude masivo.
E ekonomia a deteriorá ku 32,9% den e di dos kuartal kompará ku e promé kuartal. E deterioro ekonómiko i desempleo masivo ta un di e motibunan prinsipal dikon Trump por pèrdè den elekshon próksimo.
Elekshonnan presidensial merikano ta wòrdu planiá pa lei, i ta tuma lugá riba e promé djamars despues di 1e di novèmber. E fecha di e aña aki ta 3 di novèmber.
