WASHINGTON, AP.- Presidente Donald Trump a revelá resúmen di e kombersashon telefóniko den aprel, kaminda el a felisitá e presidente elekto di Ukrania. Esaki ta un di e último intentonan di Kas Blanku pa mitigá e akusashonnan demókrata, kual ta establesé ku Trump a abusá di su poder dor ku el a preshoná un mandatario estranhero pa e mete den polítika di Merka.

E resúmen nobo entre Trump i Volodymyr Zelenskiy ta diferensiá enormemente for di e promé transkripshon ku Washington a publiká den aprel. E promé dokumento tokante e yamada a indiká ku Trump a manifestá su kompromiso pa yuda Ukrania “kombatí korupshon”, pero esaki no ta wòrdu menshoná den e transkripshon publiká djabièrnè.

Kámara di Representante a tene un segundo dia di oudiensia públiko ku diplomátikonan merikano pa un posibel huisio polítiko di Trump, kual a generá preokupashon ku e mandatario merikano a usa su poder presidensial pa haña yudansa militar di Ukrania. Trump a bèl presidente Zelenskiy pa e investigá visepresidente Joe Biden.

E yamada telefóniko di 16 minüt, kual a wòrdu realisá desde Air Force One despues ku Trump tabata regresando Washington despues di un fin di siman na Florida, tabata karga ku elogio di Trump na Zelenskiy. E lider ukraniano a invitá Trump pa bishita Kiev. E dokumento no a hasi ningun referensia na Biden ni su yu, ni e interes di Trump pa e lider di e pais na ost di Europa lansa un investigashon kontra Biden i su yu.

Funshonarionan di seguridat nashonal ku a skucha e kombersashon a bisa ku e promé yamada entre Trump i Zelenskiyno ta un problema. E akusashonnan a pa huisio polítiko di Kámara di Representante a wòrdu kousa pa e segundo kombersashon di Trump i Zelenskiy, kual a tuma lugá riba 25 di yüli, kaminda e presidente merikano  pidi Zelenskiy pa investigá Biden i su yu i e demókratanan den elekshon di 2016.

 

LAGA UN KOMENTARIO

Please enter your comment!
Please enter your name here