WASHINGTON, AP.- Presidente Donald Trump a firma un òrdu ehekutivo, aplikando sanshonnan finansiero kontra e lider supremo di Iran i personanan yegá na dje.
Trump a afirmá ku e lider supremo iraní ta responsabel pa e kondukta di Merka kontra Iran.
E ta sigurá ku Merka no kier konflikto ku Iran, pero e pais lo sigui pone preshon riba su gobernantenan pa impedí ku ta desaroyá armanan nuklear i sostené gruponan militar di milisianonan.
Merka a retirá for di un akuerdo nuklear ku diferente pais a firma ku Iran. Washington a apliká sanshon kontra e pais pa mina esaki su ekonomia.
E presidente a indiká ku e akshon outorisá djaluna ta dor di un serie di agreshon di parti e gobièrnu di Tehran, entre nan e destrukshon di un drone di spionahe merikano di 100 mion dòler riba Estrecho di Ormuz.
Trump a sugirí pa Merka mester stòp di protehá e barkunan ku nabegá dor di e estrecho stratégiko aki, si no haña kompensashon di otro paisnan.
Merka a kulpa Iran pa e atakenan di dos barku di petroli e luna aki serka di e estrecho.