Un señora ta tuma flor pa despues tuma parti na un demostrashon pa demandá e libertat di prezunan polítiko, será den e prizòn El Rodeo na Guatire, estado Miranda.
WASHINGTON (AFP).- Presidente norteamerikano Donald Trump, ayera a deklará ku “tur” e prezunan polítiko venezolano lo keda liberá, i a bolbe elogiá e “gran trabou” di e mandatario venezolano, Delcy Rodriguez. “Nos ta bai saka nan tur for di e prizònnan”, segun Trump a deklará na prensa.
E gobièrnu di Rodriguez a duna di konosé ku e lei resien di amnistia ta benefisiá mas ku 8.000 persona, sifra kuestioná pa famianan i organisashonnan di derechinan humano.
“Delcy ta hasiendo un gran trabou”, segun e mandatario republikano, kende ta esun ku a ordená kaptura i salida for di Venezuela dje presidente Nicolas Maduro i su kasá den luna di yanüari último.
“Ni sikiera nan por kere. Nan ta baliando den kayanan”, Trump a bisa. E mandatario den e un entrevista resien a lansa e idea pa Venezuela bira e di 51 estado di e Union, un sugerensia ku a sòru pa iritashon den e gobièrnu venezolano. “Nos tin Exxon, nos tin Chevron, nos tin tur e kompanianan (petrolero) grandi den e pais, i Venezuela awor ta ganando muchu mas tantu plaka ku nan a gana den último 25 añanan”, segun Trump a duna di konosé.
