Trump ta sorprendé Saudi Arabia dor di vinkulá akuerdo ku normalisashon di relashon ku Israel

WASHINGTON, MERKA, AFP.- Presidente merikano Donald Trump a bisa djaweps ku un akuerdo nuklear ku Saudi Arabia ta dependé si e reino rekonosé Israel. Esaki a pone e akuerdo den duda, siendo ku apénas un dia promé a firma esaki.
Ya pa vários aña Riad a resistí di uni Akuerdo di Abraham ku Israel. Spesialmente despues di e guera na Gaza. E pais ta insistí ku Israel mester krea un Estado palestino promé.
E akuerdo nuklear sivil anunsiá djárason ta parse di tabata un gran viktoria pa Saudi Arabia. Spesialmente miéntras Trump ta atakando Iran pa preokupashonnan riba e programa nuklear di Tehran.
Trump a sorprendé tur hende despues ku el a publiká riba Truth Social ku e akuerdo ku Saudi Arabia lo keda aprobá. Pero esaki ta dependé si Saudi Arabia uni “Akuerdonan di Abraham”.
Kas Blanku a sigurá ku Saudi Arabia tabata na altura ku e akuerdo ta dependé di rekonosimentu di Israel.
“E presidente ta esun ku ta tuma e desishon final”, asina e sekretaria di prensa Karoline Leavitt a bisa. El a añadí ku “Akuerdonan di Abraham” ta algu ku e ta kere firmemente aden, i e lo sigui sostené esaki.