Sekretario di defensa Pete Hegseth ta papia ku reporteronan durante di e buskamentu di webu na kas Blanku, ayera riba e di dos dia di Pasku di resurekshon.
WASHINGTON, AFP.- Presidente merikano, Donald Trump, ta sostené su sekretario kontroversial di Defensa Pete Hagseth, meimei di un skandal nobo pa supuesto uso di aplikashon di mensahe Signal pa diskutí atakenan di Merka na Yemen ku su kasá i otro persona mas.
“E ta hasiendo un bon trabou”, asina Trump a bisa, kende a kalifiká e informashonnan komo simplemente notisianan falsu.
E hefe di Pentágono supuestamente a duna detayenan riba e bombardeonan den un grupo di aplikashon Signal, esaki pa di dos bia ta sali na kla informenan riba uso di aplikashonnan di mensahe komersial pa kompartí informashon ku personanan no outorisá pa parti di e herarkia.
“Esaki ta loke e medionan di komunikashon ta hasi. Nan ta tuma fuentenan anónimo di empleadonan antiguo ku ta malkontentu i despues ta trata na hinka nan i kima e hendenan pa asina ruina nan reputashon”, asina Hagseth a bisa. “Esaki lo no funshoná ku ami”.
Tres èks empleado di defensa a skibi un deklarashon denunsiando nan retironan i e èks sekretario di prensa di Pentágono kasi a pidi nan destitushon.
