WASHINGTON, AP. – Sitando un lider di patruya na frontera, Donald Trump a bisa djabièrnè ku agentenan di servisio ta laga inmigrantenan drenta ilegalmente den e pais “pa asina nan por partisipá den elekshon”. Trump no a ofresé ningun prueba pa respaldá su aseverashon mas resien ku elekshon presidensial por wòrdu afektá pa froude.
Na un reunion tokante inmigrashon entre Art del Cueto, visepresidente di Konseho Nashonal di Patruya na Frontera ku Trump, e kandidato a bisa djabièrnè ku funshonarionan di Merka a instruyé pa e ignorá antesedentenan deliktivo di inmigrantenan i aselerá e solisitutnan di siudadania.
“Esaki ta un notisia enorme”, asina Trump a bisa i a agregá ku e lo wòrdu ignorá pa prensa. “Nan ta permitiendo entrada den nos pais pa asina nan por vota”.
Sinembargo, e bosero Shawn Moran, kende tabata na New York ku Del Cueto, a bisa mas despues na telefòn ku vários asuntu a wòrdu mesklá durante e reunion.
Agentenan di Patruya na Frontera a mira un subida den intento pa krusa frontera desde México ilegalmente, segun Moran a bisa.
Pero Moran no a bisa ku un agente na frontera a ordená pa laga e migrantenan aki drenta pa asina vota den novèmber.
