WASHINGTON, AP. – Donald Trump a publiká un diskulpa despues ku un video ku komentarionan kontra muhé na 2005 a wòrdu publiká.
“Mi ta diskulpá ku esnan ku a sinti nan mes ofendí”, asina e republikano pa presidensia a bisa den un komunikado despues ku Washington Post a publiká un video di Trump papiando ku Billy Bush tokante “Access Hollywood”.
Riba e video por a skucha Trump bisando ku el a purba tene relashon seksual ku un muhé deskonosí. Tambe el a usa palabranan eksplísito pa deskribí e kurpa di e muhé i a bisa ku frekuentemente e tabata sunchi muhénan bunita.”Ora bo ta un astro, nan ta laga bu. Bo por hasi lokual bo kier”, asina Trump a agregá.
Trump tin un historia largu di hasi komentarionan bulgar kontra hende muhé.
