WASHINGTON, Donald Trump a purba konvensé e legisladornan republikano deskonfiá ku nan mester keda uní pa elekshonnan di novèmber.
Pero su promé enkuentro ku e kongresistanan no a logra kalma e inkietut profundo riba su kampaña sin disiplina.
Pafó di Kongreso, gruponan di manifestante tabata protesta kontra e empresario.
Entre tantu, den un sala di Komité Nashonal Republikano, Trump a ofresé un mensahe semper, segun e representante Ken Calvert di California.
“Nos mester keda uní, tur kos ta wòrdu resolvé den novèmber”.
Debí ku legisladornan republikano ta unánime den nan desishon pa deportá Hillary Cinton den elekshon, algun a sinti ánimo i a aploudí e palabranan di Trump. Pero otronan a keda deskonfiá pa e komentarionan ofensivo di Trump i su estilo desorganisá di hasi kampaña.
“Mi a bisa promé ku e reunion ku Donald Trump tin hopi trabou pa hasi pa konvensé mayoria merikano, entre nan ami mes, ku e tin kapasitá pa goberná e gran pais aki”.
Asina e representante Charlie Dent, di Pennsylvania a indiká. “Ainda mi no a wòrdu konvensé”.
