BATON RUGE, LOUISIANA, Merka, AP.- Despues di e renunsia di su hefe di kampaña, despues di solamente 11 siman di elekshon, Donald Trump a sigui ku su kampaña presidensial djabièrnè, bishitando un zona afektá pa inundashon na Louisiana.
Un dia despues di ekspresá un “remordimentu” straño pa deklarashonnan provokador den pasado, Trump a disfrutá di e apresio di un grupo di boluntario ku a reuní den un iglesia di Baton Rouge. Presidente Barack Obama i e demókrata Hillary Clinton ainda no a bishitá e zona, despues di e inundashon ku a akumulá mas di mei meter di awa den algun parti di e estado.
Trump i su kompañero di formulá Mike Pence a inspekshoná e dak, muebel i produktonan personal tirá den skina. E inundashon a laga 13 morto i míles di persona desplasá.
Djabièrnè mainta, Trump a anunsiá e renunsia di e presidente di su kampaña, Paul Manafort.
