WASHINTON, AP. – Donald Trump e kandidato virtual pa presidensia republikano ta eksigí pago di 10 mion dòler pa daño di un eks asesor di su kampaña, Sam Nunberg. E ta wòrdu akusá di a filtra informashon konfidensial na e reporteronan i esaki ta un violashon di su akuerdo di konfidensialidat. Den un dokumento presentá den korte, Nunberg ta akusá Trump di kier mantené boka ketu “den un intento eróneo pa impedí e kobertura di medionan di un aparente relashon amoroso” entre personal di su kampaña. E dokumento a sita un artíkulo di New York Post tokante e un diskushon den públiko entre miembronan publiká luna pasá.
E disputa legal ta reflehá intentonan di Trump pa protehá e sekretonan di su empleadonan di kampañanan.
