WASHINGTON, AP.- E kandidato presidensial republikano Donald Trump a kulpa medionan di komunikashon pa e kontroversia pa loke ta su tweets kontra su rival Hillary Clinton, ku aparentemente a representá e strea di David pa un monton di plaka.
Esaki tabata su promé reakshon públiko pa ku e tema desde ku su kuenta ofisial a tweet e imágen djasabra i a kita esaki mesora. Esaki a sòru pa un skandal riba retnan sosial pasó e imágen tabatin un konotashon potensialmente antisemita.
E kuenta di Trump riba Twitter a publiká un vershon nobo di e imágen despues, ku un sirkulo na lugá di e strea di seis punto.
Ainda no ta kla na unda e ekipo di kampaña di Trump a haña e imágen di e kampaña di Hillary.
E ekipo di kampaña di Trump no a rospondé na preguntanan hasí desde djasabra kende a publiká e mensahe i kaminda esaki a publiká.
