WASHINGTON, AP. – Donald Tump a anunsiá djabièrnè ku a skohe e gobernador di Indiana, Mike Pence, komo kompañero di fórmula.
E anunsio ta pa atraé eksperensia polítiko i bon fe konservador di su kampaña komo kandidato presidensial republikano virtual.
Trump a anunsiá su desishon riba Twitter djabièrnè mainta.
Trump a indiká ku e i Pence lo ofresé un konferensia di prensa na New York djasabra mainta pa duna detayenan di su kampaña kontra e demókrata Hillary Clinton i kende ta kompañ’é komo kompañero di fórmula den elekshon d novèmber.
E magnate di bienes rais a ofresé Pence pa kompetí pa visepresidensia djaweps e gobernador a tuma un buelo pa New York.
Sinembargo, algu despues ku Pence a yega New York, Trump a anunsiá ku el a disidí pa posponé su anunsio a kousa di e atake mortal na Nice, Francia, kual a laga mas di 80 morto.
E kandidato a bisa den vários entrevista na televishon djaweps anochi ku e no a tuma un desishon “final final”, loke a laga e posibilidat pa Trump, konosí pa su karakter impredisibel pa kambia su opinion.
Den un entrevista ku Fox New djabièrnè mainta,e hefe di kampaña di Trump, Paul Manafort, a deskartá rumornan ku Trump a tuma un desishon i despues arepentí.
