JAKARTA, Indonesia.- Djasabra den oranan di anochi un tsunami a kousa un desaster enorme na Indonesia. E tsunami a dal e isla Straat Soenda di Indonesia. Servisio di informashon di e pais ta informá ku ya kaba e kantidat di morto a subi i yega 222, miéntras ku 843 ta herida i 28 ta pèrdí. E miedu ta ku e sifranan ei lo sigui subi. E desaster aki natural aki a kuminsá despues di erupshon di e volkan Anak Krakatau na Sunda emitiendo lava den e oséano indico i Java Sea.
E Sunami a subi tera na e kosta sur di Indonesia, mas o ménos 100 kilometer na wèst di Jakarta. E olanan inmenso a pasa den Straat Soenda i e ‘kaya’ den laman entre e islanan di Java i Sumatra.
E áreanan mas afektá ta Pandeglang i Serang ku ta na Java i Lampung sur na Sumatra. Algun shen kas i otro edifisionan a haña daño grandi, miéntras ku tin hopi daño tambe na kayanan.