WILLEMSTAD – CMC a prepará un Hospitènt pa asina por atendé e pashèntnan di EMERGENSIA sospechoso di tin COVID-19. E tènt ta un ekstenshon di e departamentu di Emergensia ku tur e fasilidatnan pa por duna e mesun servisio ku ora bo yega na e departamentu di Emergensia. Tur pashènt di COVID-19 ku a haña indikashon di dr. di kas ku nan mester bin hòspital ku urgensia, mester akudí na e Hospitènt ku ta situá nèt dilanti di e departamentu di emergensia na CMC.
Ta importante pa menshoná ku debí na e situashon di krísis ku nos ta pasando aden lamentablemente mester kanselá tur sita di Poliklínika te un próksimo aviso. Sigui nan página di Facebook pa mas informashon na momentu ku nos kuminsá bèk ku e sitanan na Poliklínika.
Tratamentunan Hiperbáriko, Diálisis, Radiologia, Radioterapia i Onkologia si ta sigui normal.
CMC ta gradisí hinter komunidat di Kòrsou pa e komprenshon, konfiansa i sosten.
