Tur trahadó di Isla ta na kas awe tambe

WILLEMSTAD.- Tur trahadó di Refineria Isla ta na kas awe tambe, asina Earl Balborda bosero di Isla a duna di konosé na EXTRA. Pa algun dia kaba Isla ta konfrontando un situashon kaminda Curaçao Refinery Utilities (CRU) su planta pa produsí awa dushi no ta funshonando kompletamente bon. Den dianan anterior a hasi uso di awa di bòter pa bebe pero na momentu ku e situashon a sigui empeorá ku no tabatin awa pa flùsh tualètnan si a opta pa no laga trahadónan bai ofisina si no por tin uso di awa pa e nesesidatnan básiko.

Bosero di Refineria Isla Earl Balborda…

Balborda a splika ku CRU tin un planta ku ta produsí awa dushi for di awa salu, pero manera indiká e planta ei no tabata funshoná bon. Entretantu CRU a drecha un otro planta di ‘reverse osmosis’ pa produsí awa, pero mientrastantu ku esei tampoko no ta kla pa produsí awa pa bebe i awa pa tualètnan gerensia di Isla ta tene su trahadónan na kas. Ta bin aserka ku den e tempunan aki no ta asina ku tin asina tantu trabou den refineria tampoko!

SHARE

LEAVE A REPLY