MILAN, AP.- Un turista ekuatoriano a risibí un but pa skibi nòmber di su kasá i su yu i “2017” den e Coliseo di Roma, segun informashon di polis italiano.
E alkaldesa di Roma, Virinia Raggi, a kritiká e vandalismo i a bisa riba Twitter: Roma meresé respetá. Esun ku daña e Coliseo, ta daña tur romano i tur esnan ku stima e siudat”.
E turista a wòrdu mirá pa un guia na movementu ku el a skibi riba muraya manera polis a indiká.
Awor ta hues mester determiná e kastigu. Den pasado, turistanan pa daña sitionan ansestral a risibí butnan di 20.000 euro.
Gremionan a keha pa e falta di personal pa prevení bishitantenan ku ta maltratá lugánan históriko.
