WILLEMSTAD – Un búskeda intenso ku a kuminsá ayera anochi na Spaanse Water a terminá trágikamente den mardugá, despues ku polis i Wardakosta a lokalisá kurpa sin bida di un turista pega bou di un baranka.
Segun informashon ku EXTRA a risibí, e turista tabatin su yate/katamaran mará den Spaanse Water. Na dado momento el a subi den su ‘dinghy’ pa bai yama algun hende ayó. Mas despues un persona den bisindario a mira e turista serka un kas den e área, kaminda e tabata bebe huntu ku algun persona. Esaki lo tabata e último biaha ku a mira e turista na bida.
Ora e hòmber no a bolbe i no por a ser lokalisá, a bati alarma i un búskeda a kuminsá. Durante investigashon a bin haña su ‘dinghy’ ku tabata drif riba laman. Personanan na e kas kaminda e turista lo tabata bebe a indiká ku nan a mira e ‘dinghy’ drif i a bai busk’é pa mar’é, pendiente pa mira kiko tabata pasando.
Sinembargo, polis no a keda konvensí ku e situashon i huntu ku Wardakosta a sigui ku un búskeda intenso den e área. Finalmente, alrededor di 1’or di mardugá, nan a lokalisá kurpa di e turista sin bida pega bou di un baranka.
Debí na e lugá kaminda e kurpa tabata, e operashon pa saka e kadaver no tabata fásil. Durante mardugá a logra saka e kurpa i trese esaki tera.
TFO a ser envolví den e investigashon i, segun informashon ku EXTRA a risibí, tin vários aspekto di e suseso ku mester ser investigá mas aleu. Polis i Wardakosta a bolbe na e kas kaminda e turista a ser mira pa último biaha, a bai na su yate i tambe na e baranka kaminda a haña su kurpa.
Tin indikashon ku e hòmber mester tabata biaha awe. Ora el no a regresá, esnan ku tabata ward’é a bati alarma. Te na e momentu aki no ta konosí kiko eksaktamente a pasa ku e turista entre e momento ku a mira e na e kas i e momento ku a haña su kurpa. Tampoko no ta konosí ainda si ta trata di un aksidente òf si tin otro sirkunstansia envolví.
TFO ta kontinuá ku investigashon pa determiná sirkunstansianan eksakto rondó morto di e turista. EXTRA ta sigui pendiente di mas informashon.
Es una noticia trágica que demuestra lo traicioneras que pueden ser las zonas costeras y el agua, especialmente durante la noche o tras haber consumido alcohol. Un simple descuido en un bote pequeño o cerca de las rocas puede convertirse en un accidente fatal en cuestión de segundos, por lo que nunca hay que bajar la guardia en el mar.
Si prefieres cambiar de tema tras una noticia tan desgarradora y buscar un momento de distracción para despejar la mente, puedes darte una vuelta por morospin casino.
¿Sueles tomar precauciones extra de seguridad, como usar chaleco salvavidas, cuando te desplazas de noche en embarcaciones pequeñas o auxiliares?