Un kaso di awe mainta
ORANJESTAD.- Polis di Aruba ta informá di un kaso trágiko ku a tuma lugá awe mainta ku un turista merikano. E informe polisial ta indiká ku djamars, 7 aprel, pa banda di 11:11 am sentral di polis a haña notifikashon ku un persona maskulino lo mester a konfrontá problema den laman na Mangel Halto. E persona ya no tabata reakshonando.
Sentral di polis a manda patruya polisial na e sitio. Na yegada di polis por a komprondé ku un pareha merikano lo tabata snòrkel, pero na dado momento e señora a ripara ku su kasa no ta reakshonando. Mesora e ta bati alarma i esnan ku tabata riba kayak den serkania a yuda trese e persona na kantu. Na kantu a kuminsá ku CPR.
Ambulans a presentá i a sigui ku CPR i a hasi nan máksimo esfuerso, pero lamentablemente no por a hasi nada mas pa e turista. Dòkter Voskuil a konstatá morto di e turista maskulino di nashonalidat Merikano di 56 aña. Slachtofferhulp a presente tambe na e sitio pa asina yuda y guia a famia den es momento difísil aki. Kuerpo Polisial Aruba ta ekstendé su mas profundo kondolensia na famia.
 a hoga den laman na Mangel Halto){kind=link}