Den e kamber hende muhé ku no ta duna señal di bida
ORANJESTAD.-Polis di Aruba den un informe ofisial ta indiká ku awe mainta, pa mas o ménos 8:44 am a haña notifikashon di un kaso na St. Regis Hotel den kua un turista mester a kai for di balkon di e hotèl. Na yegada di e promé patruya a konstatá ku e turista ku a kai for di e balkon no ta duna señal di bida mas, pero na momentu ku a bai den e kamber pa kuminsá investigashon a topa ku un hende muhé den e kamber ku tampoko no ta duna señal di bida.
Investigashon di polis ta mustra ku e hende muhé den e kamber ta kasá di e hòmber. Ámbos ta di nashonalidat merikano. Polis tékniko, recherche i tur otro departamentonan embolbí a kuminsá un investigashon di e kaso inusual aki ku a tuma lugá.
