ORANJESTAD.- Kuerpo polisial di Aruba ta informá ku ayera nochi sentral di polis a haña notifikashon di un aksidente di tráfiko ku a tuma lugá na e rotònde di Bushiri. Na yegada di e patruya a bin ku un outo Hyundai Accent kolo blanku a dal den e rotònde na Bushiri.

Mesora a pidi asistensia di ambulans ku urgensia mirando e situashon di e shofùr i otro okupantenan. E shofùr tabata un dama ku tabata den un situashon bastante serio i kritiko. Tabatin 3 persona mas den e outo na momentu di e aksidente i p’esei a pidi mas ambulans i tambe spesialista di tráfiko i ‘rescue car’ di brantwer.

E personal di ambulans a hasi tur loke ta posibel, pero no por a logra muchu mas pa e shofùr. Pa kuartu pasá di 12 (00:15) dr. Texeier a konstatá morto di e shofùr, kende ta un turista femenino merikano K.C di 24 aña di edat.

LAGA UN KOMENTARIO

Please enter your comment!
Please enter your name here