ISTANBUL, TURKIA, AFP.- Presidente Recep Tayyip Erdogan a konfirmá Turkia su oposishon na un miembresia di Finlandia i Suesia djaluna, akusando e paisnan di keda sin tuma un stansha kla kontra terorismo.

“Nos lo no bisa “si” na paisnan ku apliká sanshonnan kontra Turkia pa uni e organisashon di seguridat NATO”, segun indikashon di Erdogan.

Suesia a suspendé tur benta di arma na Turkia desde 2019 pa motibu di Ankara su operashonnan militar den Siria.

E dos paisnan a anunsiá nan intenshon pa apliká pa miembresia di NATO despues di Rusia su invashon den Ukrania.

Pero Turkia a menasa ku e pais lo blòkia e aliansa su ekspanshon, akusando nan di akohé gruponan terorisá inkluyendo militantenan kurdo, kual ta riba Blacklist di Ankara, UE i Merka.

Tur petishon di miembresia mester wòrdu aprobá unánimemente pa NATO su 30 miembronan.

“Niun di e paisnan tin un stansha bon kla kontra organisashonnan terorista”, asina Erdogan a bisa.

Suesia i Finlandia no a reakshoná positivamente riba 33 petishon di ekstradishon den e último sinku añanan ku a pasa.

E agensia ofisial di prensa Anadolu, a bisa ku Turkia tabata ke individualnan ku a sea a wòrdu akusá di ta liga na kurdonan militante òf esnan ku ta pertenesé na un movementu ku a purba kita Erdogan di su puesto na 2016.

LAGA UN KOMENTARIO

Please enter your comment!
Please enter your name here