NEW YORK, AP.- Twitter a informá djaweps ku desde 2015, a suspendé 360.000 kuenta pa kontenidonan ku terorismo i violensia.
E empresa ku sede na San Fransisco a agregá ku a mehorá mekanismonan pa evitá ku doño di e kuentanan eliminá por bolbe konektá usando un otro identidat, algu ku a kousa vários problema den pasado.
Twitter a agregá ku e promedio di suspenshonnan diario a oumentá ku 80% desde aña pasá, ounke no a publiká e numbernan spesífiko. E suspenshonnan normalmente por oumentá abruptamente kada biaha ku tin un atake terorista.
Tambe, e kompania a atvertí ku no tin un fórmula mági ko pa identifiká kuentanan ekstremista. Meskos ku otro kompanianan di Internèt ku ta usa diferente arsenal di hèrmènt, manera filter kontra junk e-mail, teknologia di identifikashon outomátiko i denunsia di usuarionan.
E rapòrt ta surgi na momentu ku Twitter a wòrdu krítiká pa no hasi sufisiente pa evitá ku ekstremistanan manera Estado Islámiko ta usa su plataforma ku intenshon di reklutá militantenan i rekoudá apoyo.
