DENVER, AP.- reguladornan di Colorado a duna but na empresa Uber ku 8,9 mion dòler pa permití personanan ku antesedente penal òf vehikular pa traha den esakinan komo shofùr, inkluyendo un eks prizonero ku a skapa di prisòn.
Komishon di Servisio Públiko di Colorado a bisa djaluna ku aña pasa tabatin un investigashon riba e servisio di taksi pa aplikashon di selular, despues ku un shofùr di Uber a wòrdu akusá di ataká un pasahero.
E Komishon a bisa ku kasi 60 shofùr di Uber na Colorado por a traha den e último aña i mei apesar di tin antesedentenan ku kondenanan pa delitonan grave. Aparte di e eks prizonero ku a skapa di prisòn, otro shofùrnan tabatin antesedentenan pa delitonan vehikular grave i problemanan ku nan reibeweis.
Siman pasa, dos muhé a bisa ku nan a wòrdu ataká seksualmente pa shofùrnan di Uber a presentá demandanan federal na San Fransisco, akusando e empresa di no tin un proseso defisiente di revishon di antesedente.
Uber no a kontesta un mensahe buskando komentario mesora.
