SAN FRANSISCO, AP.- Uber ta revelando detayenan riba e robo di datonan ku esaki a sufri aña pasa, kaminda el a keda komprometé di informashon di mas di 57 mion kliente i shofùrnan di servisio di taksi pa aplikashon di selular.
Te ainda no tin evidensia ku e informashon hòrtá a wòrdu mal usa, segun un mensahe di e persona resien kontratá, direktor general di Uber, Dara Khosrowshahi. E mensahe a wòrdu publiká djamars den e blòg di e empresa. Parti di e motibu dikon nada malu no a pasa te ainda ta paso Uber a rekonosé ku el a paga 100.000 dòler na e hackernan pa destruí e informashon hòrtá.
E revelashon ta e último mancha den reputashon di Uber. Tambe tin un investigashon di fiskal general di New York i menasanan di diferente but di parti di outoridat britániko pa no revelá e hackmentu rápidamente.
E kompania ku sede na San Fransisco a kita Travis Kalanick di su puesto di direktor general den yüni, despues ku un investigashon interno a konkluí ku el a krea un kultura permisivo di intimidashon seksual i ilegalidat.
Esaki ta e empresa prominente mas resien ku a sufri robo di datonan sin notifiká posibel personanan afektá te algun luna òf asta aña despues ku e insidentenan aki a pasa.
