BRUSELAS, BELGIKA, AFP.- E presidente di Komishon Europeo, Ursula von der Leyen, a pone mas preshon riba Reino Uní pa e pais respetá su obligashonnan internashonal, refiriendo na un inisiativa di Bretaña pa modifiká algun aspekto di e Akuerdo di Retirada di e bloke.
Von der Leyern a afirmá ku e Akuerdo di Retirada, kual a drenta na vigor den febrüari e aña aki “no por keda modifiká unilateralmente”.
Sinembargo, e gobièrnu britániko a haña aprobashon di un lei di merkado interno ku ta modifiká aspektonan di e akuerdo. E aprobashon no a kai na agrado di e dirigentenan di UE, i nan ta eksihí di London pa kumpli ku loke a akordá.
E representante prinsipal di UE, Michel Barnier, a reuní ku otro embahadornan di UE pa deliberá riba e ‘aprobashon’ di Reino Uní.
