BRUSELAS, BÈLGIKA, AFP.- UE ta garantisá mas di 15.000 mion euro pa yuda paisnan vulnerabel na Afrika i sobra parti di mundu pa lucha kontra e pandemia di COVID-19, segun indikashon di e presidente di Komishon Europeo, Ursula von der Leyen.

“Afrika lo bai pasa den e mesun problema ku Europa a pasa aden dentro di algun siman. E pais mester di nos yudansa pa redusí e propagashon di e vírus”, asina el a bisa den un mensahe di video na vários idioma riba su kuenta di Twitter.

El a sigui bisa ku dor di esaki Union Europeo ta garantisá mas di 15.000 mion euro pa yuda “nos sosionan rònt mundu” pa lucha kontra coronavírus. Von der Leyen a sigurá ku e gobièrnunan nashonal lo proveé mas plaka den futuro.

E sosten finansiero proponé ta di 15.600 mion euro, segun indikashon di un fuente europeo di AFP.

E prioridat ta Afrika ku 90% di paisnan vulnerabel. E otro benefisiarionan ta nashonnan den Medio Oriente ku ta risibí refugiado, balkan oksidental, paisnan bisiña di UE i algun den Latinoamérika i Karibe.

Ademas, e sosten di UE ta pa purba insitá otro organisashonnan internashonal, manera Fondo Monetario Internashonal, i tambe paisnan grandi manera China pa kontribuí ku parti di e yudansa na paisnan den e kontinente afrikano, segun indikashon di un diplomátiko europeo.

LAGA UN KOMENTARIO

Please enter your comment!
Please enter your name here