BRUSELAS, BELGIKA, AFP.- E presidente di Komishon Europeo, Ursula von der Leyen, lo organisá un konferensia otro luna pa rekoudá fondo pa e vakuna kontra e Coronavirus nobo.
Den e promé konferensia, kual a sosodé riba 4 di mei, a rekoudá 7.400 mion euro pa finansiá e investigashon di un vakuna kontra COVID-19.
E segundo edishon lo sosodé riba 27 di yüni i lo wòrdu presedí pa un kampaña kaminda vários personalidat i personanan famoso lo ta presente.
Merka, Rusia i India tabata ousente den e konferensia di mei. Mas o ménos diessinku pais a konfirmá nan partisipashon den e kampaña nobo aki, inkluyendo Fransia, Oustria, Canada, Alemania, México, Saudi Arabia i Reino Uní.
Madonna, Bill i Melinda Gates a partisipá den e último konferensia.