MADRID, AP.- Presidente di Komishon Europeo Jean-Claude Juncker a kalifiká e intentonan separatista di Catalonia komo “un desaster” i a reafirmá e sosten di Union Europeo na Spaña.
“Catalonia ta un gran, un enorme preokupashon. Mi no gusta e situashon ku esaki a provoká: un desaster”, asina Juncker a bisa na e korant spañó El Pais.
“E atmósfera polítiko, a generá un fraktura interno den e sòldat spañó, i den Catalonia: esaki a krea problemanan den famianan, entre amigunan. Ta un káos masha tristu. Esaki nunka mester a pasa”, asina el a agregá.
Den un mensahe indirekto na e eks lider Catalan Carles Puigdemont, kende a hui pa Bèlgika, Juncker a afirmá ku e sekshonistanan Catalan no mester supestimá e sosten ku presidente di gobièrnu spañó Mariano Rajoy tin den Europa.
Spaña ta den su krísis insitushonal mas pió den kuater dékada desde ku Catalonia a violá konstitushon spañó dor di aprobá deklarashon di independensia dia 27 di òktober.
Rajoy a rospondé destituyendo e gobièrnu Catalan, disolviendo parlamento i organisashon elekshon pa 21 di desèmber.
Juncker a presedí ku e proseso elektoral, “por i mester mehorá” e situashon.
