BRUSELAS, AP.- Un negoshadó prinsipal di Union Europeo pa un akuerdo komersial ku Merka, e bosero aleman i representante komersial merikano a ninga e afirmashonnan ku e negosiashonnan pa un akuerdo komersial a frakasá.
Na Washington, e representante komersial di Merka pa Asuntunan Públiko, Matt McAlvanah, a insistí ku e “negosiashonnan ta hasiendo avansenan konstante”.
” E naturalesa di negosiashonnan komersial ta ku nada no por wòrdu akordá miéntras niun hende bai di akuerdo ku esaki, pero no ta sorprendente ku algun kapítulo di TTIP no a sera formalmente”, asina McAlvanah a bisa den e pakto yama Asosiashon Transatlántiko di Komersio i Invershon.
El a agregá ku e representantenan komersial di Union Europeo i Merka lo reuní meimei den sèptèmber pa mas negosiashon.
Djadumingu, minister di Ekonomia di Alemania, Sigmar Gabriel, kende ta visekansier a bisa: “na mi opinion, e negosiashonnan ku Merka a frakasá, ounke niun hende no ta rekonosé esaki”.
Djaluna, The Associated Press a puntra e negoshadó di UE, Ignacio Garcia Bercero, si esaki ta bèrdat i e funshonario a bisa: “No, No, kòrda riba loke Mark Twain a bisa”. Twain a yega di bisa ku e reportahenan di su morto tabata ” grandemente eksagerá”.
Steffen Seibert, bosero di kansier aleman Angela Merkel, a bisa ku ounke Europa i Merka tin algun desakuerdo den sierto parti di e akuerdo komersial, e negosiashonnan no a terminá.