Trahadónan di Krus Kòrá di Uganda preparando pa evakuá kurpa di un víktima di ébola na Kampala
KAMPALA, UGANDA, AFP.- Uganda a sera su frontera ku repúblika Demokrátiko di Congo (RDC) djárason, den un intento pa kontené e propagashon di e epidemia di ébola ku ta asotando su bisiña, segun indikashon di e Ministerio di Salubridat.
E pais chikí aki, na ost di Afrika, a registrá shete kaso di ébola desde ku a identifiká un brote na RDC riba 14 di mei.
“Uganda lo sera frontera ku RDC temporalmente”, segun indikashon di e sekretario permanente di e ministerio Diana Atwine.
“E úniko eksepshon ta pa ekiponan outorisá pa kombatí e malesa, operashonnan humanitario, transporte di kuminda i merkansia i forsanan di seguridat. Esakinan mester pasa dor di kontròlnan di protokòl estrikto.
Organisashon Mundial di Salú a deklará un emergensia internashonal kousá pa e brote.
