BRUSELAS, BELGIKA, AFP.- E minister di Eksterior di Ukrania, Dmytro Kuleba a lamentá djaluna ku Hungria ta resistiendo adopshon di un embargo riba petroli di Rusia, i a pidi tur pais europeo pa stòp ku eksportashonnan ruso.
“No ta un eksaherashon si mi bisa ku tin solamente 1 pais ku no a adoptá e embargo di petroli” di Union Europeo kontra Rusia, segun indikashon di Kuleba, na momentu ku e tabata saliendo for di un reunion di kansiernan di Bruselas.
Kuleba a bisa ku “miéntras Rusia sigui eksportá petroli i gas, e lo tin plaka pa sigui ku e guera” na Ukrania.
E ministernan di Eksterior di UE a tene un reunion largu den e kapital belga a purba vense Hungria su resistensia pa aseptá e embargo riba petroli ruso, ounke e esfuerso no a prosperá.
“Nos no a yega na un akuerdo polítiko”, segun indikashon di e hefe di diplomasia europeo, Josep Borrell den un konferensia di prensa na fin di e reunion.
